Në zbatim Kodit të Punës së Republikës së Shqipërisë, të Vendimit të Këshillit të Ministrave, nr. 673, datë 22.11.2017 ˝Për Agjencinë Kombëtare të Shoqërisë së Informacionit˝ i ndryshuar, Agjencia Kombëtare e Shoqërisë së Informacionit shpall konkurimin për vend të lirë pune në pozicionin:
- Specialist, pranë Sektorit të Integrimit të e-Gov, Drejtoria Juridike, Prokurimeve dhe Integrimit te e-Gov dhe TIK.
DETYRAT DHE PËRGJEGJËSITË E POZICIONIT PËRMBAJNË POR NUK KUFIZOHEN NË:
- Realizon detyrat që i ngarkohen në kohë dhe me cilësi dhe përgatit materialet e ndryshme në lidhje me praktikat e deleguara nga eprori;
- Ndjek procesin e integrimit për shoqërinë e informacionit dhe komunikimet elektronike;
- Studion acquis për shoqërinë e informacionit dhe zhvillimet ne kuadër te Axhendes Dixhitale Europiane dhe propozon ndërmarrjen e iniciativave për transpozimin e tyre në kuadër të procesit të integrimit me BE-në;
- Përgatit raportimet periodike për integrimin në lidhje me kapitullin 10 te MSA-se dhe kapitujt e tjerë te lidhur me TIK dhe shoqërinë e informacionit;
- Ndjek zhvillimet rajonale për shoqërinë e informacionit, studion acquis e Bashkimit Evropian për shoqërinë e informacionit, qeverisjen elektronike dhe TIK;
- Ndjekë ndryshimet në legjislacionin vendas në veçanti ato që lidhen me shoqërinë e informacionit dhe veprimtarinë e AKSHI-t dhe respekton ato;
KËRKESA TË PËRGJITHSHME PËR KANDIDATËT
- Të ketë mbaruar studimet pasuniversitare për Shkenca Politike, Marrëdhënie Ndërkombëtare apo në degë të tjera të ngjashme;
- Të ketë njohuri shumë të mira të gjuhës angleze;
- Të ketë 1 vit experience pune;
- Të ketë njohuri Vkm 673/2017;
- Të ketë njohuri Vkm 749/2018;
- Të ketë njohuri Procesit të stabilizim asocimit;
- Të ketë njohuri mbi Urdhrin Nr. 94 të Kryeministrit, datë 20.05.2019”Për ngritjen, përbërjen dhe funksionimin e grupeve ndërinstitucionale të punës për integrimin Evropian”;
- Të ketë aftësi shumë të mira në analizimin dhe zgjidhjen e problemeve në kohë reale;
- Të ketë aftësi teknike mbi përditësimin e rregullt të sistemeve në fushën e sigurisë;
- Të ketë aftësi të mira komunikuese dhe të bashkëpunimit në grup;
PAGA PËR POZICIONIN ËSHTË NË KATEGORINË (III-b)
PARAQITJA E DOKUMENTEVE:
Kandidati duhet të paraqesë brenda datës 10.08.2022 në Agjencinë Kombëtare të Shoqërisë së Informacionit në adresën: Rruga “Papa Gjon Pali II”, Nr. 3, Kati I, Tiranë ose në adresën e e-mailit: burime.njerezore@akshi.gov.al, këto dokumente:
-
- Kërkesë për aplikim
- CV
- Fotokopje të diplomës dhe listës së notave
- Fotokopje të librezës së punës
- Fotokopje të çertifikatave të kualifikimit (nëse ka)
- Fotokopje të dëshmive të gjuhëve të huaja (nëse ka)
- Vërtetimin e gjendjes gjyqësore
- Të paktën një letër rekomandimi
- Një numër telefoni si dhe adresën e plotë për t’u kontaktuar
Mosparaqitja e plotë e dokumenteve sjell skualifikim të kandidatit.