Në zbatim të Kodit të Punës së Republikës së Shqipërisë, të Ligjit Nr. 43/2023 “Per Qeverisjen Elektronike”, Agjencia Kombëtare e Shoqërisë së Informacionit shpall konkurimin për vend të lire pune në pozicionin:
1 Specialist, pranë Sektorit të Menaxhimit dhe Koordinimit të Fondeve të BE-së, Drejtoria e Koordinimit të Agjendës Digjitale dhe Projekteve e-Gov me Fonde të Huaja
DETYRAT DHE PËRGJEGJËSITË E POZICIONIT PËRMBAJNË POR NUK KUFIZOHEN NË:
- Bashkëpunon me institucionet përgjegjëse duke mbledhur kontribut për monitorimin e zbatimit të projekteve të listuara në Planin e Veprimit të Agjendës Digjitale;
- Harton raportimet periodike në kuadër të monitorimit të Planit të Veprimit të Agjendës Digjitale;
- Kryen studime kërkimore rreth teknologjive të reja;
- Prezanton nevojat për trajnim dhe rekomandon trajnimet e nevojshme;
- Ndjek zbatimin e strategjisë së Agjendës Digjitale dhe synimeve digjitale të qeverisë;
- Punon ngushtë me përgjegjësin dhe drejtorin në zhvillimin e projekteve dhe produkteve novatore të agjencisë;
- Punon ngushtë me departamentin e projekteve për të identifikuar dhe shtuar koncepte novatore në sistemet dhe projektet e zhvilluara;
- Monitoron dhe mban informacion të detajuar në lidhje me zhvillimet e reja digjitale në vend, rajon dhe botë;
- Krijon dhe modelon zgjidhje novatore në linjë me strategjinë dhe misionin e agjencisë;
- Merr pjesë dhe organizon me grupe pune sesione zhvillimore si webinar, seminar, takime në lidhje me projektet novatore e agjencisë;
KËRKESA TË PËRGJITHSHME PËR KANDIDATËT
- Të ketë mbaruar studimet pasuniversitare (master shkencor) për Studime Ekonomike, Marrëdhënie Ndërkombëtare apo në degë të tjera të ngjashme;
- Të ketë aftësi shumë të mira për formulimin e projekteve/ideve novatore dhe ndjekjen e implementimit të tyre;
- Të ketë aftësi shumë të mira analitike si dhe për zgjidhjen e problematikave në kohë reale;
- Të ketë të paktën 2 vite eksperiencë ne menaxhimin, koordinimin dhe bashkerendimin e projekteve me fonde te huaja
- Të ketë njohuri shumë të mira të gjuhës angleze;
- Të ketë aftësi të mira komunikuese dhe të bashkëpunimit në grup.
PAGA PËR POZICIONIN ËSHTË NË KATEGORINË (IV-1)
PARAQITJA E DOKUMENTEVE:
Kandidati duhet të paraqesë brenda datës 25.07.2024 në Agjencinë Kombëtare të Shoqërisë së Informacionit në adresën: Rruga “Papa Gjon Pali II”, Nr. 3, Kati I, Tiranë ose në adresën e e-mailit: burime.njerezore@akshi.gov.al, këto dokumente:
- Kërkesë për aplikim
- CV
- Fotokopje të diplomës dhe listës së notave
- Fotokopje të librezës së punës
- Fotokopje të çertifikatave të kualifikimit
- Fotokopje të dëshmive të gjuhëve të huaja (nëse ka)
- Vërtetimin e gjendjes gjyqësore
- Të paktën një letër rekomandimi
- Një numër telefoni si dhe adresën e plotë për t’u kontaktuar
Mosparaqitja e plotë e dokumenteve sjell skualifikim të kandidatit.