Në zbatim Kodit të Punës së Republikës së Shqipërisë, të Vendimit të Këshillit të Ministrave, nr. 673, datë 22.11.2017 ˝Për Agjencinë Kombëtare të Shoqërisë së Informacionit˝ i ndryshuar, Agjencia Kombëtare e Shoqërisë së Informacionit shpall konkurimin për vend të lirë pune në pozicionin:
- Përgjegjës, pranë Sektorit të Promovimit të e-Gov, Drejtoria e Inovacionit dhe Promovimit të e-Gov
DETYRAT DHE PËRGJEGJËSITË E POZICIONIT PËRMBAJNË POR NUK KUFIZOHEN NË:
- Planifikon, monitoron dhe organizon punen ne sektor
- Zhvillon dhe përmirëson në vazhdimësi format e ndryshme të promovimit të shërbimeve të ofruara në portalin unik qeveritar e-albania;
- Rekomandon dhe siguron saktësi në dokumentacionin e nevojshëm për çështje të cilat janë mbi autoritetin vendimmarrës të Përgjegjësit të Sektorit dhe siguron saktësinë e informacionit të dalë nga sektori;
- Siguron dhe analizon të dhëna brenda autoritetit të tij vendimmarrës dhe vepron për realizimin e nevojave të strukturave të varësisë;
- Përpunon drejtimet strategjike të marrëdhënieve me publikun, komunikimin dhe informimin që duhet të ndjekë drejtoria e portalit qeveritar e-albania dhe ja paraqet ato per miratim drejtorit të drejtorisë;
- Monitoron lajmet e përgatitura në lidhje me portalin qeveritar e-albania;
- Planifikon dhe përgatit fushata dhe materiale promovuese për plotësimin e objektivave të drejtorisë;
- Mbledh dhe organizon informacionin për të planifikuar fushata promovuese;
- Siguron prezantimin në terren dhe mbështet demonstrimin e shërbimeve të reja në portalin qeveritar e-albania;
- Koordinon me mediat për të shpërndarë lajmin;
KËRKESA TË PËRGJITHSHME PËR KANDIDATËT
- Të ketë mbaruar studimet pasuniversitare (Master Shkencor)
- Të ketë njohuri shumë të mira të marketingut online (rrjetet sociale, reklamim ne portale web, fushata komunikimi përmes email-it etj.)
- Të ketë 3 vjet eksperiencë në pozicione të ngjashme (të jetë angazhuar në monitorimin e fushatave të komunikimit apo të marrëdhënieve me publikun);
- Të ketë aftësi shumë të mira në hartimin e fushatave të komunikimit dhe hartimin e përmbajtjeve promovuese (tekste, postera, video etj.)
- Të ketë njohuri shumë të mira të gjuhës angleze;
- Të ketë njohuri te mira ne dizenjimin e fushatave promovuese dhe programeve respektive te tyre (psh, paketa Adobe etj.)
- Të ketë njohuri të mira analitike për kryerjen e analizave statistikore të fushatave të komunikimit;
- Të ketë aftësi të mira komunikuese dhe të bashkëpunimit në grup.
PAGA PËR POZICIONIN ËSHTË NË KATEGORINË (III-a)
PARAQITJA E DOKUMENTEVE:
Kandidati duhet të paraqesë brenda datës 24.06.2022 në Agjencinë Kombëtare të Shoqërisë së Informacionit në adresën: Rruga “Papa Gjon Pali II”, Nr. 3, Kati I, Tiranë ose në adresën e e-mailit: burime.njerezore@akshi.gov.al, këto dokumente:
-
- Kërkesë për aplikim
- CV
- Fotokopje të diplomës dhe listës së notave
- Fotokopje të librezës së punës
- Fotokopje të çertifikatave të kualifikimit (nëse ka)
- Fotokopje të dëshmive të gjuhëve të huaja (nëse ka)
- Vërtetimin e gjendjes gjyqësore
- Të paktën një letër rekomandimi
- Një numër telefoni si dhe adresën e plotë për t’u kontaktuar
Mosparaqitja e plotë e dokumenteve sjell skualifikim të kandidatit.